USA: +1-754-4266-3266 / Haïti: +509-4483-9758 | raynaldlouis@gmail.com

Ayiti-Ensekirite : Plizyè moun mouri ak blese, jedi 25 fevriye 2021 an, nan prizon sivil Kwadèboukè a, nan yon gwo mouvman kote prizonye sove

Pòtoprens, 25 fevriye 2021 [AlterPresse] — Plizyè moun mouri ak blese, jedi 25 fevriye 2021 an, nan yon gwo mouvman ki eklate nan prizon sivil kwadèboukè a (nòdès kapital la), kote yon valè prizonye sove, dapre enfòmasyon AlterPresse rasanble.

Plizyè inite nan lapolis la te rann yo sou plas, nan lide pou kalma sitiyasyon an.

Yo tire anpil kout zam, andedan kou deyò prizon an, epi yo te bay anpil gaz lakrimojèn, yon fason pou anpeche prizonye yo sove.

Sityasyon sa a te lakoz yon gwo panik nan komin nan. Sa ki te fè tou gwo blokis machin, nan zòn ki toupre Kwadèboukè, depi sou wout aryopò entènasyonaal Pòtoprens lan.

Gwo tanson sa a, ki lakoz plizyè prisonye sove, rive ankò nan prizon Kwadèboukè an,youn nan prizon ki gen plis sekirite nan peyi d Ayiti.

Rive nan mwa fevriye 2021, te gen mil 532 prizonye nan prizon Kwadèboukè a, pami yo chèf gang Arnel Joseph, Arby Frantz Larco (biznisman nan zafè zam), ansyen depite Arnel Belizaire ak prizonye politk 7 fevriye 2021 yo.

About the Author

Leave a Reply

*